នៅក្នុងនោះដែរគេសង្គេតឃើញ នាយឧត្តមសេនីយ៍ កែវ វណ្ណថន ស្វាមីតារាសម្ដែងភាពយន្ត ពេជ្រ ចន្ទបរិម៉ី និងជាអតីតប្ដីអ្នកនាង ចន្ទ តារាទី ដែលមានអត្តលេខ ០៣៦០។ ចំណែក អតីតតារាសម្ដែងភាពយន្តដើមកំណើតខ្មែរក្រោមដ៏ល្បីល្បាញគឺ នាយឧត្តមសេនីយ៍ សម តារា ដែលមានអត្តលេខ ០៣៦៧។
បុគ្គលដែលធ្លាប់មានរឿងអាស្រូវពុករលួយកន្លងមកគឺ ឧត្តមសេនីយ៍ឯក កឹម ជាតិ មានអត្តលេខ ៨៤៣៣៩ ត្រូវបានដាក់ឱ្យចូលនិវត្តន៍ដែរ។ ក្រសួងមហាផ្ទៃ ធ្លាប់ចុះធ្វើអធិការកិច្ចខណៈនោះធ្វើឱ្យលោក កឹម ជាតិ ដួលសន្លប់ចូលពេទ្យ ហើយគាត់ត្រូវបានដកចេញពីតំណែងជា ប្រធាននាយកដ្ឋានប្រឆាំងផលិតផលក្លែងក្លាយ។ រីឯមន្ត្រីមួយចំនួនទៀតត្រូវបន្ថយស័ក្ដិទាបបំផុត ហើយអ្នកខ្លះទៀតត្រូវបានលុបឈ្មោះចេញពី ក្របខណ្ឌមន្ត្រីនគរបាលជាតិ តែម្ដង៕
