Main Menu
loading...

ទឹកទន្លេនៅរតនគិរីពេញព្រៀបបន្ទាប់ពីមានភ្លៀងធា្លក់បីថ្ងៃជាប់ៗគ្នា

រតនគិរី៖មន្ទីរធនធានទឹក ខេត្តរតនគិរី បានធ្វើការអំពាវនាវមួយដល់ប្រជាពលរដ្ឋ ដែលរស់នៅតាមដងទន្លេសេសាន និង ទន្លេស្រែពក ខេត្តរតនគិរី ឲ្យមានការប្រុងប្រយ័ត្នខ្ពស់ គឺត្រូវត្រៀមលក្ខណៈរកទីទួលសុវត្ថិភាព។ 



 ការអំពាវនាវនេះធ្វើឡើងដោយលោក ចាន់ ប៊ុនធៀន ប្រធានមន្ទីរធនធានទឹកនិងឧតុនិយមបានផ្ដល់បទសម្ភាសន៍ដល់ក្រុមអ្នកសារព័ត៌មានកាលពីថ្ងៃទី៥ ខែមិថុនា ឆ្នាំ២០១៨ បន្ទាប់ពី ខេត្តរតនគិរី មានភ្លៀងធ្លាក់ជាបន្តបន្ទាប់រយៈពេលបីថ្ងៃហើយទឹកទន្លេបានឡើងយ៉ាងគំហុកពេញព្រៀបតែម្តង។

 បើតាមលោកប្រធានមន្ទីរធនធានទឹកខេត្ត បានឲ្យដឹងថា បើទោះជាទឹកទន្លេសេសាននិងទឹកទន្លេស្រែពកក្នុង ខេត្តរតនគិរីមានកម្រិតកម្ពស់ទឹកមិនទាន់ដល់កម្រិតប្រកាសអាសន្នយ៉ាងណា ក៍ដោយក៍សុំធ្វើការអំពាវនាវនេះគ្រាន់ជាការដាសតឿនដល់ប្រជាពលរដ្ឋក្នុងមូលដ្ឋាន។ 

 លោកបានបញ្ជាក់ទៀតថា ខេត្តរតនគិរី តំបន់ដែលងាយរងគ្រោះដោយសារទឹកជំនន់មានចំនួនបួនស្រុកគឺ ស្រុកតាវែង ស្រុកអណ្ដូងមាស ស្រុកវើនសៃ និង ស្រុកលំផាត់។ ស្រុកទាំងបួននេះប្រជាពលរដ្ឋសុទ្ធសឹងរស់នៅតាមដងទន្លេសេសាននិងទន្លេស្រែពកភាគច្រើន។

 ប្រជាពលរដ្ឋទាំងបួនស្រុកនេះពួកគាត់សុទ្ធតែធ្លាប់រងគ្រោះខូចខាត ទ្រព្យសម្បត្តិដោយសារជំនន់ទឹកភ្លៀងស្ទើរតែរៀងរាល់ឆ្នាំពិសេសជាងគេនោះគឺ ស្រុកលំផាត់ ដែលមាន ភូមិប្រជាពលរដ្ឋរស់នៅប្របតាមដងទន្លេស្រែពក តែម្ដង។ 


 គួរបញ្ជាក់ថា ទឹកទន្លេស្រែពកស្ថិតក្នុង ស្រុកលំផាត់ ភ្លៀងប៉ុន្មានថ្ងៃជាប់ៗគ្នានេះ ធ្វើឲ្យទឹកកើនឡើងមានកម្ពស់គឺ ៤.២៦ម៉ែត្រ ក្នុងកម្រិតប្រកាសអាសន្ន១២.៥០ម៉ែត្រ។ ទឹកទន្លេសេសាន ស្ថិតក្នុងស្រុកអណ្ដូងមាស ស្រុកតាវែង និងស្រុកវើនសៃកម្ពស់ទឹកបានកើនកើនឡើង៣.០៥ម៉ែត្រដែលក្នុងកម្រិតប្រកាសអាសន្ន៨.៥០ម៉ែត្រ។ បើទោះជាកម្រិតទឹកនៅទាបយ៉ាងណាក៍ដោយ។ ប៉ុន្តែនៅ ខេត្តរតនគិរី ទឹកជំនន់ភ្លៀងអាចបង្កជាគ្រោះមហន្តរាយ ដល់ប្រជាពលរដ្ឋតែរយៈពេលពីពីរទៅបីម៉ោងបន្ទាប់ពីមានភ្លៀងធ្លាក់ជាប់ៗគ្នាជាច្រើនថ្ងៃមក៕


សូមជួយចែករំលែក


ព័ត៌មានចុងក្រោយ


http://bayongtimes.com/myboard/photo/23-08-2018,1,Phon.jpg

ស្រវឹងស្រាពាងក្នុងពិធីឡើងផ្ទះខ្លួន រំលោភក្មួយស្រីថ្លៃមិនបានសម្រេច ចុះមកផឹកស្រាតទៀតធ្វើរំភើយ

3 weeks ago 275
http://bayongtimes.com/myboard/photo/Phon.jpg

នាយកសាលាអន្តរជាតិ អាស៊ានប្រ៊ីត ថ្លើមធំមែន ហ៊ានជីកកកាយ ភ្នំស្វាយ ជាតំបន់រមណីយដ្ឋាន ធ្វើជាកម្មសិទ្ធិ

3 weeks ago 218
http://bayongtimes.com/myboard/photo/Samuth8.jpg

សុវត្ថិភាពម្ហូបអាហារជាចំបង សុខភាពមិនមានដាក់លក់នៅទីផ្សារឡើយ

3 weeks ago 169
http://bayongtimes.com/myboard/photo/Student Exam.jpg

សិស្សជាប់និទ្ទេស អេយ(A)នាសម័យប្រឡងបាក់ឌុបថ្ងៃទី២០ សីហា នឹងទទួលបានម៉ូតូម្នាក់មួយគ្រឿង

4 weeks ago 103
http://bayongtimes.com/myboard/photo/21-08-2018,Chhiv 5.jpg

មេឃុំថ្មស លោក អិក កួន កំពុងបំផ្លាញធនធានបាតសមុទ្រ រកចំណូលបានយ៉ាងតិច១,០០០ដុល្លារក្នុងមួយថ្ងៃ

4 weeks ago 1005
http://bayongtimes.com/myboard/photo/LICADHO.jpg

គ្រាន់តែបោះបង្គោលលើដីរបស់ខ្លួន ត្រូវគេចាប់ឃុំខ្លួនដាក់ពន្ធធនាគារ១ឆ្នាំកន្លះ

4 weeks ago 387
loading...
Footer Menu