Main Menu
loading...

ជនសង្ស័យ០៤នាក់ត្រូវបានសមត្ថកិច្ចឃាត់ខ្លួន ជាបន្តបន្ទាប់

ខេត្តប៉ៃលិន៖កម្លាំងជំនាញនៃអធិការដ្ឋាននគរបាលស្រុកសាលាក្រៅ បានបង្រ្កាបករណីជួញដូរ និងប្រើប្រាស់នូវសារជាតិញៀនខុសច្បាប់ ព្រមទាំងឃាត់ខ្លួនជនសង្ស័យ០៤នាក់ជាបន្តបន្ទាប់ នៅកន្លែងផ្សេងគ្នា កាលពីថ្ងៃទី០១ និង ទី០២ ខែមិថុនា ២០១៨ ។ 



 ថ្ងៃទី០១ ខែមិថុនា ឆ្នាំ២០១៨ កម្លាំងជំនាញនៃអធិការដ្ឋាននគរបាលស្រុកសាលាក្រៅ សហការជាមួយកម្លាំងប៉ុស្ដិ៍ស្ទឹងត្រង់ ធ្វើការចុះបង្រ្កាបករណីជួញដូរ និងប្រើប្រាស់នូវសារជាតិញៀនខុសច្បាប់០១ករណី នៅមុខសាលារៀនភ្នំព្រាល ស្ថិតក្នុងភូមិភ្នំព្រាល ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដោយឃាត់ខ្លួនជនសង្ស័យបានចំនួន០២នាក់៖ 

ទី១ឈ្មោះ នី សារ៉េន ហៅ រ៉ង ភេទប្រុស អាយុ ២៤ឆ្នាំ រស់នៅភូមិស្រាយជ្រុំ ឃុំអូរដា ស្រុកកំរៀង ខេត្តបាត់ដំបង អ្នកជួញដូរ ។ និងទី២ឈ្មោះ ឌី គា ភេទប្រុស អាយុ ១៧ឆ្នាំ រស់នៅភូមិឃុំកើតហេតុខាងលើ ជាអ្នកប្រើប្រាស់។ រួមជាមួយវត្ថុតាងម្សៅក្រាមពណ៌សរថ្លា(ICE) ០១កញ្ចប់តូច ថ្នាំគ្រាប់ពណ៌ផ្កាឈូកចំនួន០១គ្រាប់កន្លះ ដាវសាម៉ូរ៉ៃ០១ដើម និងម៉ូតូម៉ាក Honda Dream 125 ពណ៌ខ្មៅពាក់ស្លាកលេខ បាត់ដំបង 1T-4486 ។ 


 នៅថ្ងៃសៅរ៍ទី០២ ខែមិថុនា ឆ្នាំ២០១៨ ជនសង្ស័យ០២រូបទៀត ត្រូវកម្លាំងជំនាញរបស់អធិការដ្ឋាននគរបាលស្រុកសាលាក្រៅ សហការជាមួយកម្លាំងពីស្នងការដ្ឋាននគរបាលខេត្តប៉ៃលិន និងកម្លាំងនគរបាលស្រុកកំរៀង ឃាត់ខ្លួននៅក្នុងភូមិត្រាង ឃុំត្រាង ស្រុកកំរៀង ខេត្តបាត់ដំបង ។

ទី១ឈ្មោះ ចេវ ពេជ្រ ភេទប្រុស អាយុ ១៩ឆ្នាំ មុខរបរ មិនពិតប្រាកដ និង ទី២ឈ្មោះ ចេវ ជីម ភេទប្រុស អាយុ ៣០ឆ្នាំ មុខរបរ មិនពិតប្រាកដ ជនសង្ស័យទាំងពីរមានទីលំនៅក្នុងភូមិឃុំកើតហេតុខាងលើ។ វត្ថុតាងរួមមាន ម្សៅក្រាមពណ៌សថ្លា (ICE) ចំនួន ០២កញ្ចប់តូច ០១កញ្ចប់ធំ ថ្នាំគ្រាប់ចំនួន០៩គ្រាប់ កាំភ្លើងកែឆ្នៃ០១ដើម ដុំត្រាល AK-47 មួយ និងគ្រាប់កាំភ្លើងកែឆ្នៃចំនួន០២ប្រអប់ ព្រមទាំងពូថៅដៃចំនួន០២ ដាវសាម៉ូរ៉ៃចំនួន០៣ដើម និងស្លាកលេខម៉ូតូចំនួន ០៣សន្លឹក ។


 គួរបញ្ជាក់ថា កម្លាំងជំនាញការិយាល័យប្រឆាំងបទល្មើសគ្រឿងញៀនកំពុងកសាងសំណុំរឿង នៃជនសង្ស័យទាំង០៤ និងចាត់ការទៅតាមនីតិវិធីច្បាប់ ៕


សូមជួយចែករំលែក


loading...
Footer Menu