Main Menu
Booking.com

អភិបាលខេត្តរតនគិរីសំដែងកង្វល់ ខណៈមានការពុលចំណីអាហារស្លាប់ច្រើននាក់នៅខែត្រក្រចេះ និង មណ្ឌលគិរី

ខេត្តរតនគិរី៖ អភិបាលខេត្តរតនគិរី ឯកឧត្ដម ថង សាវុន អំពាវនាវដល់ប្រជាពលរដ្ឋមានការប្រុងប្រយ័ត្នចំពោះសុវត្ថិភាពចំណីអាហារ បន្ទាប់ពីខេត្តមួយចំនួនក្នុងភូមិភាគឦ¬សាន មានការស្លាប់ដោយការប្រើប្រាស់ទឹកមិនស្អាត ពុលស្រា ព្រមទាំងពុលចំណីអាហារ នាពេលថ្មីៗកន្លងទៅ ។


 កន្លងទៅថ្មីៗនេះ ខេត្តក្រចេះ និង ខេត្តមណ្ឌលគិរី មានជនរង្គ្រោះជាច្រើននាក់ ធ្លាក់ខ្លួនមានជំងឺ បានបាត់បង់ជីវិត និង ជាច្រើននាក់ទៀតកំពុងត្រូវបានសង្គ្រោះ និងសម្រាកព្យាបាលនៅមន្ទីរពេទ្យ ក្នុងករណីប្រើប្រាស់ទឹកមិនស្អាត ពុលស្រា និងពុំមានសុវត្ថិភាពផ្នែកចំណីអាហារជាដើម ។

 ឯកឧត្ដមអភិបាលខេត្តមានកង្វល់ និង ព្រួយបារម្ភពីសុវត្ថិភាពចំណីអាហារចំពោះប្រជាពលរដ្ឋក្នុងខែត្រលោក ក៏បានដាក់បទបញ្ជាដល់អាជ្ញាធរមូលដ្ឋានទាំង៩ស្រុក ក្រុង ក្នុងខេត្ត ឲ្យពង្រឹងការពិនិត្យតាមដាន ព្រមទាំងបង្កើនការផ្សព្វផ្សាយ ពន្យល់ណែនាំដល់ប្រជាពលរដ្ឋ អំពីសុវត្ថិភាពចំណីអាហារតាមមូលដ្ឋាន ដូចជាការប្រជុំផ្សព្វផ្សាយ និងផ្សាយតាមមេក្រូ តាមដងផ្លូវសាធារណៈ ។

 ដូចគ្នានេះដែរ រដ្ឋបាលសាលាខេត្ត បានប្រកាសឲ្យដឹងថា ដើម្បីធានាបាននូវសុវត្ថិភាព សុខភាព អាយុជីវិត សូមបងប្អូនប្រជាពលរដ្ឋអនុវត្តប្រការមួយចំនួនឲ្យបានខ្ជាប់ខ្ជួន ដូចជាអនាម័យល្អ រស់នៅស្អាត បរិភោគទឹកឆ្អិន ត្រូវប្រុងប្រយ័ត្ន កុំប្រើប្រាស់ទឹកមិនស្អាតសម្រាប់ចម្អិនអាហារ ដូចជាទឹកអូរ ព្រែក បឹង ទន្លេជាដើម ដែលអាចហូរសារធាតុពុល កើតចេញពីការប្រើប្រាស់ថ្នាំសម្លាប់សត្វ ថ្នាំបាញ់សម្លាប់ស្មៅ ដែលហូរចូលពីតំបន់នានា ជុំវិញតំបន់ដែលមានប្រភពទឹក ។

 ក្នុងសេចក្ដីប្រកាសនោះ បានបញ្ជាក់ទៀតថា សូមកុំពិសាស្រា ដែលមានប្រភពមិនច្បាស់លាស់ ឬផលិតមិនត្រូវតាមលក្ខណៈបច្ចេកទេស នាំឲ្យមានបញ្ហាដល់សុខភាព ។ ហើយបើសិនជា ប្រជាពលរដ្ឋណាម្នាក់មានបញ្ហា ឬ មានហេតុការណ៍អ្វីមួយលើសុខភាព សូមមេត្តាប្រញាប់ស្វែងរកការពិនិត្យសុខភាព នៅតាមមណ្ឌលសុខភាព ឬមន្ទីរពេទ្យបង្អែកដែលនៅជិតបំផុត ។ 

 ទន្ទឹមនឹងសេចក្ដីអំពាវនាវនេះ សាលាខេត្តរតនគិរី ក៏បានហាមឃាត់ដល់ម្ចាស់រោងចក្រ សហគ្រាសនានា ព្រមទាំងសាធារណជន មិនត្រូវបង្ហូរ ឬ ចាក់ចោលកាកសំណល់ ដែលមានសារធាតុគីមី ចូលនៅក្នុងប្រភពទឹកប្រើប្រាស់ឡើយ ៕


សូមជួយចែករំលែក


Booking.com

ព័ត៌មានចុងក្រោយ


http://bayongtimes.com/myboard/photo/19-10-2018-2-1.jpg

នគរបាល ស្រុកអណ្តូងមាស ឃាត់ខ្លួន ជនសង្ស័យម្នាក់ ពាក់ព័ន្ធនិង ករណីរំលោភ ក្មេងស្រី ខ្វិនដៃខ្វិនជើង អាយុ១២ឆ្នាំ !!

11 hours ago 739
http://bayongtimes.com/myboard/photo/19-10-2018-1-1.jpg

ទៅពួនជក់ក្នុងចំការដំឡូងហើយនៅតែតាមស៊ើបចាប់បានទៀត

17 hours ago 918
http://bayongtimes.com/myboard/photo/16-10-2018-2-1.jpg

ពិធីគោរព្ធព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្ដម សីហនុ ព្រះមហាវិវិរក្សត្រព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ នៅខេត្តរតនគិរី

3 days ago 386
http://bayongtimes.com/myboard/photo/16-10-2018-1.jpg

សិស្សវិទ្យាល័យមួយដែលប្រឡងទុត្តិយភូមិជាប់មួយរយភាគរយត្រូវលោកមេបញ្ជាការកងរាជអាវុធហត្ថខេត្តចុះជួបសំណេះសំណាលនិងលើកទឹកចិត្ត

3 days ago 364
http://bayongtimes.com/myboard/photo/photo_2018-10-13_13-05-27.jpg

ប៉ូលិសក្រុងព្រះសីហនុបង្ហាញមុខជនសង្ស័យប្រើប្រាស់អាវុធខុសច្បាប់និងថ្នាំញៀន

6 days ago 647
http://bayongtimes.com/myboard/photo/5873998985.jpg

នាំយកអំណោយប្រចាំខែរបស់ក្រសួងធនធានទឹកប្រគល់ជូនវីរកងទ័ពការពារព្រំដែនខេត្តព្រះវិហារ

2 weeks ago 396
Booking.com
Booking.com
Footer Menu