Main Menu
Booking.com

សម្រែកតំណាងសហគមន៍សុំយុត្តិធម៌ បន្ទាប់ពីតុលាការសម្រេចឃុំខ្លួន

ខែត្រព្រះសីហនុ៖ តំណាងសហគមន៍ អូរខ្សាច់ លោកស្រី ឡុច ទូច អាយុ ៥៦ឆ្នាំ រស់នៅភូមិ៤ ឃុំអូរត្រេះ ស្រុកស្ទឹងហាវ ខែត្រព្រះសីហនុ ស្រែកសុំសម្ដេចនាយករដ្ឋមន្រ្តី ហ៊ុន សែន មេត្តាជួយរកយុត្តិធម៌ដល់ពួកគាត់ផង បន្ទាប់ពីតុលាការសម្រេចឃុំខ្លួន០៤នាក់ក្នុងចំណោម០៦នាក់បណ្ដោះអាសន្ន នៅពន្ធនាគារខែត្រព្រះសីហនុ កាលពីរសៀលថ្ងៃទី០៨ ឧសភា ២០១៨ ។

ការចាប់ខ្លួនក្រុមប្រជាសហគមន៍ទាំង០៦នាក់នេះ ធ្វើឡើងបន្ទាប់ពីអ្នកមានទ្រព្យាស្តុកស្ដម្ភ លោក ឧកញ៉ា តាន់ តាត់ ដាក់ពាក្យប្ដឹងប្រជាសហគមន៍ ថាបានប្រើអំពើហិង្សាលើអចលនទ្រព្យ និង បំផ្លាញដំណាំរបស់អ្នកដទៃ កាលពីប៉ុន្មានខែមុន តែទើបមកចាត់ការចាប់ខ្លួនប្រជាសហគមន៍ទាំងនោះ ដោយគ្មានដីកាឡើយកាលពីរសៀលថ្ងៃអាទិត្យទី០៦ ឧសភា ២០១៨ ក្រោមរូបភាពបទល្មើសជាក់ស្ដែង ។

ក្រុមប្រជាពលរដ្ឋទាំងអស់ត្រូវកម្លាំងកងរាជអាវុធហត្ថខែត្របញ្ជូនខ្លួនទៅតុលាការនារសៀលថ្ងៃទី០៧ ឧសភា ដើម្បីបន្តនីតិវិធី ប៉ុន្តែនៅល្ងាចថ្ងៃទី០៧ ខែឆ្នាំដដែលនេះ ប្រជាសហគមន៍ទាំងនោះ ត្រូវបានគេបញ្ជូនត្រឡប់មកឃុំខ្លួនបន្តនៅទីបញ្ជាការកងរាជអាវុធហត្ថខេត្តព្រះសីហនុវិញ តាមការស្នើសុំរបស់មេធាវី ដោយសារនីតិវិធីនៅតុលាការមិនទាន់បំពេញចប់សព្វគ្រប់ ។ និងនៅព្រឹកថ្ងៃទី០៨ ឧសភា ២០១៨ ប្រជាសហគមន៍ទាំង០៦រូបនោះ ត្រូវបានគេបញ្ជូនខ្លួនសារជាថ្មីមកតុលាការដើម្បីបន្តនីតិវិធី ។

ពលរដ្ឋដែលជាប់ខ្នោះដោយសារទំនាស់ដីធ្លីលើដីរបស់ខ្លួនជាមួយឧកញ៉ា តាន់ តាត់ លោកស្រី ឡុច ទូច លើកឡើងថារូបគាត់និងប្រជាសហគមន៍ទាំងអស់ បានរស់នៅលើដីដែលខ្លូនបានកាប់ឆ្ការ ដាំដំណាំ អាស្រ័យផលតាំងពីឆ្នាំ១៩៩២ រហូតមកដល់ឆ្នាំ២០០៣ លោកស្រី និង ប្រជាសហគមន៍បានដាក់ពាក្យស្នើសុំកាន់កាប់ដីនោះតាមរយៈមេភូមិ និង មេឃុំ ។ ស្រាប់តែនាពេលថ្មីៗនេះ មានលេចលោក ឧកញ៉ា តាន់ តាត់ មកអះអាងថា លោកមានលិខិតកាន់កាប់ដីហ្នឹងដែរតាំងពីឆ្នាំ១៩៩៥ លោកស្រីបានបន្ថែម ។

លោកស្រី ឡុច ទូច ឆ្ងល់ថា បើលោក ឧកញ៉ា តាន់ តាត់ មានលិខិតកាន់កាប់ តាំងពីឆ្នាំ១៩៩៥ ម្ដេចមិនដែលឃើញលោកឧកញ៉ា រស់នៅទីនោះ ឬ ដាំដំណាំអ្វីសោះ ? លោកឧកញ៉ា តាន់ តាត់ ដែលគេកោតគោរពថាជាអ្នកមានទ្រព្យថ្លៃថ្នូរ ត្រឹមត្រូវ បែរទៅជាមានរឿងប្លែកបែបនេះ ។

គេហទំព័រពត៌មាន បាយ៉ង់ថែមស៍ www.bayongtimes.com មិនអាចសុំការបំភ្លឺបានទេ ថាតើលោកបានកាន់កាប់ដឺនោះដោយរបៀបណា និង នៅឆ្នាំណា ដោយទូរស័ព្ទរបស់លោកចូលហើយមិនមានការឆ្លើយតប កាលពីល្ងាចថ្ងៃទី០៧ ឧសភា ២០១៨ ។

គួរបញ្ជាក់ថា សង្រ្គាមដីធ្លីដ៏រ៉ាំរ៉ៃរវាងប្រជាពលរដ្ឋក្រក្រី និង អ្នកមានលុយ មានអំណាច តែងកើតមានជាហូរហែ នៅគ្រាដែលដីឡើងថ្លៃ ៕




សូមជួយចែករំលែក


Booking.com

ព័ត៌មានចុងក្រោយ


http://bayongtimes.com/myboard/photo/19-10-2018-2-1.jpg

នគរបាល ស្រុកអណ្តូងមាស ឃាត់ខ្លួន ជនសង្ស័យម្នាក់ ពាក់ព័ន្ធនិង ករណីរំលោភ ក្មេងស្រី ខ្វិនដៃខ្វិនជើង អាយុ១២ឆ្នាំ !!

10 hours ago 731
http://bayongtimes.com/myboard/photo/19-10-2018-1-1.jpg

ទៅពួនជក់ក្នុងចំការដំឡូងហើយនៅតែតាមស៊ើបចាប់បានទៀត

17 hours ago 918
http://bayongtimes.com/myboard/photo/16-10-2018-2-1.jpg

ពិធីគោរព្ធព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្ដម សីហនុ ព្រះមហាវិវិរក្សត្រព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ នៅខេត្តរតនគិរី

3 days ago 386
http://bayongtimes.com/myboard/photo/16-10-2018-1.jpg

សិស្សវិទ្យាល័យមួយដែលប្រឡងទុត្តិយភូមិជាប់មួយរយភាគរយត្រូវលោកមេបញ្ជាការកងរាជអាវុធហត្ថខេត្តចុះជួបសំណេះសំណាលនិងលើកទឹកចិត្ត

3 days ago 364
http://bayongtimes.com/myboard/photo/photo_2018-10-13_13-05-27.jpg

ប៉ូលិសក្រុងព្រះសីហនុបង្ហាញមុខជនសង្ស័យប្រើប្រាស់អាវុធខុសច្បាប់និងថ្នាំញៀន

6 days ago 647
http://bayongtimes.com/myboard/photo/5873998985.jpg

នាំយកអំណោយប្រចាំខែរបស់ក្រសួងធនធានទឹកប្រគល់ជូនវីរកងទ័ពការពារព្រំដែនខេត្តព្រះវិហារ

2 weeks ago 396
Booking.com
Booking.com
Footer Menu