Main Menu
Booking.com

សណ្ដែកផ្កាយមានទីផ្សារខ្ពស់

ខេត្តរតនគិរី៖ សណ្ដែកផ្កាយដែលមានប្រភពមកពីបរទេស ជាយូរលង់មកហើយ បច្ចុប្បន្ននេះប្រជាពលរដ្ឋ និងប្រជាសហគមន៍ក្នុងខេត្តរតនគិរី នាំគ្នាដាំជាច្រើនហិតា បន្ទាប់ពីសណ្ដែកផ្កាយនេះមានអត្ថប្រយោជន៍ច្រើនជួយដល់សុខភាព និង រាងកាយ ដល់អ្នកបរិភោគ ព្រមទាំងមានទីផ្សារល្អ ។ 


សណ្ដែកផ្កាយនេះ មានប្រភពដើមមកពីប្រទេប៉េរូ ដើមរបស់វាមានសណ្ដានជាទង វារឡើងជន្លង់ ផ្លែរបស់វាមានរូបរាងដូចផ្កាយ ដែលផ្លែមួយមាន០៤គ្រាប់ទៅ០៥គ្រាប់ ។ ពេលវាទុំគ្រាប់វាមានពណ៌ត្នោត រាងមូលសំប៉ែត ដែលមានអត្ថប្រយោជន៍យ៉ាងខ្លាំងសម្រាប់សុខភាព ។

 តាមការសិក្សាស្រាវជ្រាវតាមលក្ខណៈវិទ្យាសាស្រ្ត បណ្ឌិតអាហារបំប៉នម្នាក់ បានអះអាងថា ក្នុងគ្រាប់សណ្ដែកនេះ មានសារជាតិ អូមីហ្គាស៊្រីសិច និង ឡាញ ដែលមានអត្ថប្រយោជន៍យ៉ាងច្រើនជួយដល់សុខភាព និង រាងកាយអ្នកបរិភោគ ។ 

លោក សុខ សំណាង តំណាងសហគមន៍អភិវឌ្ឍន៍កម្ពុជា ខេត្តរតនគិរី ដែលបានដាំដំណាំសណ្ដែកផ្កាយនេះ ស្ថិតក្នុងភូមិចែត ឃុំសឺង ស្រុកបរកែវ ខេត្តរតនគិរី បានឲ្យដឹងថា បច្ចុប្បន្នសហគមន៍បានដាំដំណាំសណ្ដែកផ្កាយលើផ្ទែដីជាង៣ហិតា ហើយរយៈពេលដាំតែ១ឆ្នាំអាចប្រមូលផលបាន ចំណែកការទទួលផលនោះទៀតសោត ក្នុង១ហិតា ទទួលបានមួយតោនកន្លះក្នុងឆ្នាំទី១ ។ ក៏ប៉ុន្តែចាប់ពីឆ្នាំទី២ឡើងទៅ គឺអាចទទួលផលកើនឡើងជាលំដាប់ ចាប់ពី២តោនកន្លះឡើងទៅ ក្នុង១ហិតា។

 លោកបានបញ្ជាក់ទៀតថា សណ្ដែកផ្កាយនេះ មិនត្រឹមមានអត្ថប្រយោជន៍តែផ្លែប៉ុណ្ឌោះទេ គឺចាប់តាំងពីឫសដើមរហូតដល់ស្លឹក គេអាចយកទៅប្រើប្រាស់ជាអាហារបំប៉នសុខភាពផ្សេងៗ ចំណែកគ្រាប់វា គេអាចយកលីងបរិភោគ។ 

 យ៉ាងណាមិញផលិតផលសណ្ដែកផ្កាយមួយនេះ ត្រូវបានកម្ម៉ង់ទិញជាច្រើនប្រទេស ពិសេសប្រទេសកូរ៉េ ក៏ប៉ុន្តែសហគមន៍យើងមិនទាន់ហ៊ានទទួលការកម្ម៉ង់ទិញនោះឡើយ ពីព្រោះប្រជាជន និង ប្រជាសហគមន៍ក្នុងប្រទេសយើង មិនទាន់បានដាំ បង្កបង្កើនផលសណ្ដែកនេះឲ្យបានគ្រប់គ្រាន់តាមតម្រូវការនោះឡើយ ។ ក៏ប៉ុន្តែសហគមន៍យើង និង ប្រជាពលរដ្ឋ កំពុងពង្រីកនូវការដាំដុះដំណាំនេះជាបណ្ដើរៗហើយ។

 លោកបានបន្តទៀតថា បច្ចុប្បន្ននេះ ប្រជាពលរដ្ឋខ្មែរកំពុងពេញនិយមយកគ្រាប់សណ្ដែកផ្កាយនេះ ទៅលីងបរិភោគ រីឯសំបកគេយកទៅដាំទឹកហូប ពីព្រោះសារធាតុសណ្ដែកផ្កាយនេះអាចជួយដល់សុខភាពពួកគាត់ច្រើនមុខណាស់ ។ ចំណែកតម្លៃក្នុងទីផ្សារសព្វថ្ងៃ សណ្ដែកផ្កាយនេះថ្លៃរហូត១០ដុល្លារក្នុងមួយគីឡូក្រាមឯណោះ ។

 គួរបញ្ជាក់ថា សណ្ដែកផ្កាយនេះ មានប្រភពដើមមកពីប្រទេប៉េរូ ដែលជាអាហារបំប៉នពិសេសប្រចាំប្រទេសមួយនេះ រយៈពេល៤០ ទៅ៥០ឆ្នាំកន្លងមកហើយ ដែលផលិតផលសណ្ដែកផ្កាយ ត្រូវបានទទួលមេដៃមាសនៅប្រទេសបារាំងនាអំឡុងទសវត្សរ៍៩០ ក្រោយពីក្រុមវិជ្ជៈបណ្ឌិតប្រទេសបារាំង បានយកគ្រាប់សណ្ដែកនេះទៅធ្វើការពិសោធន៍ ឃើញមានសារជាតិ អូមីហ្គាស៊្រីសិច ខ្ពស់រហូតដល់ទៅ៥៣ សម្រាប់បំប៉នសុខភាព ទ្រទ្រង់រាងកាយមនុស្ស ៕


សូមជួយចែករំលែក


Booking.com

ព័ត៌មានចុងក្រោយ


http://bayongtimes.com/myboard/photo/19-10-2018-2-1.jpg

នគរបាល ស្រុកអណ្តូងមាស ឃាត់ខ្លួន ជនសង្ស័យម្នាក់ ពាក់ព័ន្ធនិង ករណីរំលោភ ក្មេងស្រី ខ្វិនដៃខ្វិនជើង អាយុ១២ឆ្នាំ !!

10 hours ago 731
http://bayongtimes.com/myboard/photo/19-10-2018-1-1.jpg

ទៅពួនជក់ក្នុងចំការដំឡូងហើយនៅតែតាមស៊ើបចាប់បានទៀត

17 hours ago 918
http://bayongtimes.com/myboard/photo/16-10-2018-2-1.jpg

ពិធីគោរព្ធព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្ដម សីហនុ ព្រះមហាវិវិរក្សត្រព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ នៅខេត្តរតនគិរី

3 days ago 386
http://bayongtimes.com/myboard/photo/16-10-2018-1.jpg

សិស្សវិទ្យាល័យមួយដែលប្រឡងទុត្តិយភូមិជាប់មួយរយភាគរយត្រូវលោកមេបញ្ជាការកងរាជអាវុធហត្ថខេត្តចុះជួបសំណេះសំណាលនិងលើកទឹកចិត្ត

3 days ago 364
http://bayongtimes.com/myboard/photo/photo_2018-10-13_13-05-27.jpg

ប៉ូលិសក្រុងព្រះសីហនុបង្ហាញមុខជនសង្ស័យប្រើប្រាស់អាវុធខុសច្បាប់និងថ្នាំញៀន

6 days ago 647
http://bayongtimes.com/myboard/photo/5873998985.jpg

នាំយកអំណោយប្រចាំខែរបស់ក្រសួងធនធានទឹកប្រគល់ជូនវីរកងទ័ពការពារព្រំដែនខេត្តព្រះវិហារ

2 weeks ago 396
Booking.com
Booking.com
Footer Menu