បាយ៉ង់ថែមស៍
Booking.com

កំពូលអ្នកប្រដាល់ជើងឯកគោជល់វគ្គប្រាំបួន ដណ្តើមខ្សែក្រវាត់ទម្ងន់៦៣,៥គីឡូក្រាម

ភ្នំពេញៈសម្រាប់ឆ្នាំ២០១៨នេះស្ថានីយ៍ទូរទស្សន៍ស៊ីអ៊ិនស៊ី(CNC)ក្រុមហ៊ុនគោជល់ និង សហព័ន្ធកីឡាប្រដាល់គុនខ្មែរ បានធ្វើសន្និសីទកាសែតរួមមួយ ស្តីពីកំពូលអ្នកប្រដាល់ជើងឯកគោជល់វគ្គប្រាំបួន ប្រកួតដណ្តើមខ្សែក្រវាត់ទម្ងន់៦៣,៥គីឡូក្រាម លក្ខណៈអន្តរជាតិ ដែលមានកីឡាករសរុបប្រាំបីនាក់ គឺខ្មែរបួននាក់និង ថៃបួននាក់។


 ពិធីនេះធ្វើឡើងនៅល្ងាចថ្ងៃទី២១ ខែមេសា ឆ្នាំ២០១៨ ស្ថិតនៅក្នុងស្ថានីយ៍ទូរទស្សន៍ស៊ីធីអ៊ិនឫស្សីកែវ រាជធានីភ្នំពេញ ដែលមានការចូលរួមពីលោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ។លោក ហួរ រតនៈ ប្រធាន ផ្នែកទីផ្សារនៃស្ថានីយ៍ទូរទស្សន៍ស៊ីអ៊ិនស៊ី និងលោក មាន សំអុល នាយកចាត់ការទូទៅភេសជ្ជៈគោជល់។ 

 កីឡាករជើងខ្លាំងកម្ពុជាបួននាក់មានកីឡាករ ប៉ោ ភារិទ្ធ កីឡាករ សេង ស្រឿន កីឡាករ ពុយ វណ្ណៈ និង កីឡាករ ធន់ ចាន់តាក់។ ចំណែកអ្នកលេងឆ្លងដែនជាតិថៃមាន កីឡាករ ក្វាងងិន ម៉ រាជផាត់ កីឡាករ ភីតណយ ឌួងចៃ កីឡាករ វ៉ាត់ឆា រ៉ាក់ដេត និង កីឡាករ ឃុនសិក ប៉ យុទ្ធភូមិ ។ កីឡាករទាំងប្រាំបីនាក់នេះត្រូវប្រកួតវិលជុំ ក្នុងម្នាក់បួនប្រកួត គឺសន្សំពិន្ទុ អ្នកឈ្នះរកបានបីពិន្ទុ រីឯអ្នកចាញ់បានមួយពិន្ទុ ហើយ អវត្តមានសូន្យពិន្ទុ ។

 សម្រាប់អ្នកឈ្នះលេខ១ទទួលបាន ខ្សែក្រវាត់គោជល់មួយ ពានរង្វាន់មួយ ខ្សែកមាសមួយខ្សែ និងថវិកាចំនួន២០លានរៀល។ លេខ២ទទួលបាន ពានរង្វាន់មួយ ខ្សែកមាសមួយខ្សែ និងថវិកាចំនួន១០លានរៀល។ លេខ៣ទទួលបាន ពានរង្វាន់មួយ ខ្សែកមាសមួយខ្សែ និងថវិកាចំនួនប្រាំមួយលានរៀល និងលេខ៤ទទួលបាន ពានរង្វាន់មួយ និងថវិកាចំនួនបួនលានរៀល ។

 ប្រធានសហព័ន្ធកីឡាប្រដាល់គុនខ្មែរលោក តែម ម៉ឺន បានអបអរសាទរ ដែលបានចូលរួមសហការជាមួយ ស្ថានីយ៍ទូរទស្សន៍ស៊ីអ៊ិនស៊ីនិងក្រុមហ៊ុនភេសជ្ជៈគោជល់ក្នុងការអភិវឌ្ឍន៍សេដ្ឋកិច្ចកម្ពុជា ក៍ដូចអភិវឌ្ឍន៍កីឡាករកម្ពុជាឱ្យមានសមត្ថភាពខ្ពស់ ដោយមិនភ្លេចសុខសន្តិភាពជាចម្បងនេះហើយទើបធ្វើឱ្យសហព័ន្ធពង្រឹងកីឡាករខ្មែរ ដើម្បីឆ្ពោះទៅកាន់កីឡាស៊ីហ្គេមឆ្នាំ២០២៣ ដែលប្រទេសកម្ពុជាធ្វើជាម្ចាស់ផ្ទះ។ 

 ក្នុងនាមជាប្រធានសហព័ន្ធលោកបានសន្យាថា ដើម្បីធ្វើឱ្យកម្មវិធីមួយនេះទទួលបានជោគជ័យលោកសំណូមពរសុំឱ្យអនុគណៈកម្មការបច្ចេកទេសនិងអនុគណៈកម្មការ វិន័យរបស់សហព័ន្ធ ត្រូវប្រឹងប្រែងធ្វើការងារយកចិត្តទុកដាក់ អស់ស្មារតី ឆន្ទៈរបស់ខ្លួន ក្នុងការគ្រប់គ្រងបច្ចេកទេសនិងការគ្រប់គ្រងសុខភាពកីឡាករ ជាពិសេសធ្វើការ ត្រូវមានតម្តាភាព យុត្តិធម៌ ដោយផ្តោតលើការជឿជាក់ទំនុកចិត្តបានដល់អ្នកគាំទ្រទាំងអស់។

 លោក មាន សំអុល នាយកចាត់ការទូទៅគោជល់បានឱ្យដឹងថា គោជល់តែងតែងលើកស្ទួយ និងដុសខាត់សមត្ថភាពកីឡាករខ្មែរ ឱ្យឈានដល់កម្រិតស្តង់ដារមួយ អាចប្រៀបធៀបកីឡាករបរទេសជើងខ្លាំងល្បីៗបាន។ លោកបញ្ជាក់ទៀតថា នៅក្នុងការប្រកួតដណ្តើមខ្សែក្រវាត់ទម្ងន់៦៣,៥គីឡូក្រាមនេះ យើងបានជ្រើសរើសសម្រិតសម្រាំងកីឡាករខ្មែរជើងខ្លាំងវ័យក្មេងស្រករក្រោយ ឱ្យប្រកួតជាមួយកីឡាករថៃ ដែលសុទ្ធតែជើងខ្លាំងដូចគ្នា។ ចំពោះកីឡាករថៃដែលយើងជ្រើសរើសមកនេះ ពួកគេមានសមត្ថភាពអាចប្រកួតប្រជែងជាមួយខ្មែរ ក៍ដូចជាការបង្កើនឱកាសពង្រឹងសមត្ថភាពកីឡាករកម្ពុជាផងដែរ។

 ប្រធានផ្នែកទីផ្សារ និងជាតំណាងឱ្យអគ្គនាយក នៃស្ថានីយ៍ទូរទស្សន៍ CNC លោក ហួរ រតនៈ បានបញ្ជាក់ថា ជាការពិតណាស់ពួកយើងបាននិងកំពុងតែជួយគ្នាទៅវិញ ទៅមកលើទិសដៅលើកស្ទួយក៍ដូចជាអភិវឌ្ឍន៍វិស័យកីឡាគុនខ្មែរ ឱ្យកាន់តែមានការរីកចម្រើន ក៍ដូចជាពង្រីកមុខមាត់ថែមទៀតលើឆាកអន្តរជាតិ។ ជាមួយគ្នានោះយើងក៍បានរួមចំណែកលើកស្ទួយជីវភាពកីឡាករគុនខ្មែរឱ្យកាន់តែល្អមួយកម្រិតថែមទៀត។

 លោក រតនៈ សុំឱ្យប្រធានសហព័ន្ធមេត្តាជួយផ្តល់កីឡាករល្អៗបន្តទៀតមកចូលរួមបញ្ចេញថ្វីដៃរបស់ពួកគេក្នុងកម្មវិធីប្រកួតដ៏សម្បូរបែបនៅស៊ីអ៊ិនស៊ី។ លោកបានក្រើនរំលឹកដល់បេក្ខភាពនៅក្នុងការប្រកួត សូមឱ្យធ្វើការប្រកួតអស់ពីសមត្ថភាព ដើម្បីក្លាយជាជើងឯក និងជាគំរូល្អដល់កីឡាករជំនាន់ក្រោយៗ ៕


សូមជួយចែករំលែក


Booking.com

ព័ត៌មានចុងក្រោយ


http://bayongtimes.com/myboard/photo/Governor.jpg

ខែត្រ ជាំងស៊ូ នៃប្រទេសចិន នឹងបញ្ជូនគ្រូពេទ្យមកខែត្រព្រះសីហនុ ព្យាបាលឥតគិតថ្លៃ

12 hours ago 93
http://bayongtimes.com/myboard/photo/Samuth.jpg

លូដែលស្ទះ ហើយទឹកស្អុយហូរចូលសមុទ្រ បង្អួតភ្ញៀវទេសចរ ត្រូវបានដោះស្រាយទាំងថ្ងៃអាទិត្យដោយក្រុមការងារនៃមន្ទីរសាធារណការ

14 hours ago 28
http://bayongtimes.com/myboard/photo/Samuth.jpg

អ្នកមានមហាសាល ដឹកថ្ម ខ្សាច់ ធុងទឹក និង កុងតេន័រ បម្រុងធ្វើរបងថ្មហ៊ុមព័ទ្ធយកដីប្រជាពលក្រក្រី មិនបានសម្រេចនូវមហិច្ឆតា ក៏ជួលមនុស្សពីរនាក់អោយនៅយាមឃ្លាំមើល

3 days ago 274
http://bayongtimes.com/myboard/photo/Sarun.jpg

ក្មែរដូចគ្នា មនុស្សដូចគ្នា គ្រាន់តែដីទទឹង០៥ម៉ែត្រ បណ្ដោយ២០ម៉ែត្រសម្រាប់សង់លំដ្ឋានរស់នៅ ម្ដេចមិនមានសិទ្ធិ ?

5 days ago 357
http://bayongtimes.com/myboard/photo/48377435_936284009896839_3810196738187198464_o.jpg

លោក ចាន់ យុ​ត្ថា រដ្ឋលេខាធិការ ក្រសួង​ធនធានទឹក​និង​ឧតុនិយម បាន​ដឹកនាំ​កិច្ចប្រជុំ​ពិនិត្យ​លើ​ស្ថានភាព​ទឹក​និង​ការងារ​បង្កបង្កើនផល​ក្នុង ខេត្តបន្ទាយមានជ័យ

1 week ago 61
http://bayongtimes.com/myboard/photo/Edited,Samuth.jpg

សំណង់រឹងមាំដ៏សែនចម្លែក ដែលសង់ក្នុងអូរ(ស្រះក្រពើ)ទាំងស្រុងនោះ នឹងត្រូវផ្អាកដំណើរការ

1 week ago 268
Booking.com
Booking.com
Footer Menu