បាយ៉ង់ថែមស៍
Booking.com

ផ្សព្វផ្សាយច្បាប់ហាមឃាត់អាវុធគីមីមាន នុយគ្លេអែ ជីវសាស្ត្រនិងវិទ្យុសកម្ម

រតនគិរី៖ លោកឧត្ដមសេនីយ៍ឯក ហេង វុទ្ធី អគ្គលេខាធិការរង អាជ្ញាធរជាតិអាវុធគីមី និងលោក យឹម ផែន អភិបាលរង ខេត្តរតនគិរី បានផ្សព្វផ្សាយច្បាប់ហាមឃាត់ អាវុធគីមីមាន នុយគ្លេអែ ជីវសាស្ត្រនិងវិទ្យុសកម្ម ដែលមានការចូលរួមពីមន្ត្រីរាជការ អាជ្ញាធរខេត្ត កងកម្លាំងប្រដាប់អាវុធ ថ្នាក់ដឹកនាំ ស្រុក ក្រុងទាំងអស់ប្រមាណជាង២០០នាក់នៅព្រឹកថ្ងៃទី៦ ខែកុម្ភៈ ឆ្នាំ២០១៨ ស្ថិតក្នុងសាលប្រជុំសាលាខេត្ត។

លោក ហេង វុទ្ធី បានលើកឡើងថា ការផ្សព្វផ្សាយច្បាប់នេះ ក្នុងន័យចែករំលែកចំណេះដឹង និងផ្លាស់ប្ដូរបទពិសោធន៍អំពីមហន្តរាយនិងផលប៉ះពាល់ពីសារធាតុគីមីនុយគ្លេអែ ជីវសាស្ត្រនិងវិទ្យុសកម្ម ថ្នាក់ជាតិ ថ្នាក់តំបន់ និងពិភពលោក។

ទាក់ទងអំពីស្ថានភាពបច្ចុប្បន្នលោកបន្តថា ជនរង្គ្រោះគ្រាប់បែកគីមីដែលទម្លាក់ពីសហរដ្ឋអាមេរិកនៅ ឃុំគគី ស្រុករមាសហែក ខេត្តស្វាយរៀង គឺរាជរដ្ឋាភិបាលបានយកចិត្តទុកដាក់យ៉ាងខ្លាំង។ បញ្ហានេះក៍បានបង្កើតកម្មវិធីព្យាបាលជូនពលរដ្ឋរងគ្រោះដោយឥតគិតថ្លៃ។ មិនតែប៉ុណ្ណោះរាជរដ្ឋាភិបាលថែមទាំងផ្ដល់ភាពងាយស្រួលដល់ពួកគាត់ ក្នុងការស្វែងរកសេវាព្យាបាលដែលនៅជិតព្រមទាំងកាត់បន្ថយការចំណាយហើយទាន់ពេលវេលានោះគឺសាងសង់មណ្ឌលសុខភាពមួយជូនពលរដ្ឋ ឃុំគគី ផ្ទាល់តែម្ដង ។

លោកឧត្ដមសេនីយ៍ឯកមានជំនឿថាវាពិតជាបានមកនូវបទពិសោធន៍និងមេរៀនថ្មីល្អៗក្នុងការចែករំលែកការយល់ដឹងទាំងអស់គ្នា។ ការផ្សព្វផ្សាយនេះដើម្បីត្រៀមខ្លួនការពារព្រមទាំងឱ្យពលរដ្ឋនៅតាមមូលដ្ឋានបានយល់ដឹង៕









សូមជួយចែករំលែក


Booking.com
Booking.com
Booking.com
Footer Menu