Main Menu
loading...

ឫសកែវនៃខឿនវប្បធម៌ខ្មែរ

ភ្នំពេញ ៖ យោងតាមការសិក្សាស្រាវជ្រាវ របស់អ្នកឯកទេសលោកបណ្ឌិត មីសែល ត្រាណេ ប្រវត្តិវិទូខ្មែរនិងអ្នកស្រាវជ្រាវបរទេសកន្លងមកដែលស្តីពីឫសកែវនៃវប្បធម៌ខ្មែរយើងបានឱ្យដឹងថាប្រជាជនខ្មែរ ស្ថិតនៅក្នុងអម្បូរមន-ខ្មែរ គឺជាអ្នកស្រុកអាយ ដែលបានកើតនៅលើទឹកដីកំណើតរបស់ខ្លួន នៃជ្រោយសុវណ្ណភូមិ ដោយផ្ទាល់។ តែគេពុំសូវដឹងឮប៉ុន្មានទេ អំពីបញ្ហានេះ ព្រោះតែកង្វះខាតតឹកតាងនៃឯកសាររឹងមាំសម្រាប់បញ្ជាក់ករណីចម្បងមួយនេះ។

បើយោងតាម ព្រះរាជពង្សាវតារខ្មែរ បានឱ្យដឹងថា ដើមឡើយទឹកដីខ្មែរ ទើបតែកកើតឡើងប្រ ហែលជាច្រើនពាន់ឆ្នាំ តែប៉ុណ្ណោះ។ ណាស់ហើយទង្វើនេះ ដោយសារតែភុជង្គនាគ ដែលជា ស្តេចនាគបានផឹកទឹកសមុទ្រ ហើយក៍ព្រោះទឹកសមុទ្រចេញជាដី ដើម្បីជាចំណងដៃ ជូនចំពោះ ព្រះថោង និងបុត្រី ដែលជានាងនាគ។ មុនព្រឹត្តិការណ៍ដ៏អស្ចារ្យនេះ កោះគោកធ្លក ជាទឹកដីកំ ណើតរបស់ខ្មែរនោះទៅហើយគឺជាតំបន់ទឹកលិច។ ដូច្នេះដោយសារតែកត្តានេះបានជាគេចាត់ ទុកថាទឹកដីខ្មែរជាទឹកដីថ្មីថ្មោង។

លោកបណ្ឌិត មីសែល បានចាត់ទុកទស្សនៈខាងលើនេះថា ជាទេវកថារបស់ប្រជាជនខ្មែរដែលបានបន្សល់ប្រវត្តិទឹកដី និងជាតិសាសន៍របស់ខ្លួនតែប៉ុណ្ណោះ។ លក្ខណៈសាកលអ្វីដែលគេមិនអាចបដិសេធបានឡើយគឺទឹកដីកម្ពុជានេះធ្លាប់មានប្រវត្តិវប្បធម៌យ៉ាងហោចណាស់ក៍ប្រមាណជាងប្រាំបួនសែនឆ្នាំដល់ប្រាំមួយសែនឆ្នាំមុនគ្រិស្តសករាជដែរ(៩០,០០០០ឆ្នាំមុនគ្រិស្តសករាជដល់ ៦០,០០០០ឆ្នាំ) បើគេសម្អាងទៅលើអាវុធធ្វើអំពីថ្មបំបែកនាសម័យបុរេប្រវត្តិសាស្ត្រ។

លោកបណ្ឌិតគិតថាជាតិសាសន៍ខ្មែរធ្លាប់មានវប្បធម៌ដ៏យូរលង់ណាស់មកហើយពីព្រោះជាជនជាតិខ្មែរជាម្ចាស់ស្រុកក្នុងភូមិភាគអាស៊ីអាគ្នេយ៍យើងនេះ។នេះជាមោទភាពរបស់ជាតិសាសន៍ខ្មែរយើង។នៅខេត្តស្ទឹងត្រែងនិងខេត្តក្រចេះជាតំបន់ខ្ពង់រាបដែលមានជនជាតិខ្មែរដើមឬមន-ខ្មែរដូចជាពួកគួយជាដើមបានរស់នៅដែលបានបន្សល់ទុកស្លាកស្នាមវប្បធម៌ចាស់ជាងគេបំផុត៕









សូមជួយចែករំលែក


ព័ត៌មានចុងក្រោយ


http://bayongtimes.com/myboard/photo/Samuth.jpg

ប្រជាពលរដ្ឋរងគ្រោះលើដីធ្លីរបស់ខ្លួន ៥៦គ្រួសារស្នើសុំសម្ដេច ហ៊ុន សែន មេត្តាជួយអន្តរាគមន៍ចំពោះទំនាស់ក្នុងសហគមន៍ខ្លួន

2 days ago 150
http://bayongtimes.com/myboard/photo/Sokhom.jpg

ដីដែលរដ្ឋបាលខេត្តព្រះសីហនុ ចែកជូនពលរដ្ឋក្រីក្រ មានគេមកអះអាងថាជាដីខ្លួនកាន់កាប់តាំងពីឆ្នាំ១៩៩៤

2 days ago 1101
http://bayongtimes.com/myboard/photo/Yun Min 7,16-08-2018.jpg

ពលរដ្ឋរងផលប៉ះពាល់ដោយគ្រោះធម្មជាតិ១១៣គ្រួសារនៅស្រុកកំពង់សីលា ទទួលបានស្រូវពូជ

3 days ago 40
http://bayongtimes.com/myboard/photo/Chhiv,04-08-2018,2.jpg

ដីព្រៃកោងកាង និង ព្រៃលិចទឹកជិត២០ហិកតា ត្រូវបានគេលក់ឱ្យទៅអ្នកមានលុយ មានអំណាច និងរងការបំផ្លាញ

1 week ago 1132
http://bayongtimes.com/myboard/photo/Tola 2.jpg

ផ្ទុះអាវុធនៅខែត្រមណ្ឌលគិរី ដោយក្រុមអ្នករកស៊ីឈើលើកគ្នាមករំដោះវត្ថុតាងល្មើស

1 week ago 147
http://bayongtimes.com/myboard/photo/Tola.jpg

បាញ់គំរាមអ្នករកស៊ីដឹកឈើតាមម៉ូតូតូចតាច ផ្អើលពលរដ្ឋមួយចំហៀងស្រុក តែអធិការនគរបាលស្រុកអត់ដឹង

1 week ago 330
loading...
Footer Menu