Main Menu
Booking.com

ឡៅ ចន្ទ្រា ប៉ះជើងខ្លាំង ហ្វាសុទ្ធសៃ ខណៈ ឆៃដែន ជួបថៃ ឈុនឡែក

ភ្នំពេញ ៖ វាយដណ្តើមខ្សែក្រវាត់គូបូតាសន្សំពិន្ទុម្ចាស់ជើងឯកខ្សែក្រវាត់ស្រាបៀរលីអូពីរស្ថាប័នផ្សេងគ្នាស្តេចប្រដាល់វ័យក្មេងគ្មានគូប្រៀបកីឡាករ ឡៅ ចន្ទ្រា មកពីក្លិបកងពលតូចទ័ពពិសេសឆ័ត្រយោងលេខ៩,១១នឹងត្រូវប៉ះជើងខ្លាំងឆ្លងដែនកីឡាករថៃ ហ្វាសុទ្ធសៃ (Fashootshai Cheangmaipahuyuth) ប្រភេទទម្ងន់៦៣,៥គីឡូក្រាម ស្ថិតនៅសង្វៀនបាយ័នបឹងស្នោ រសៀលថ្ងៃទី២៧ខែវិច្ឆិកាឆ្នាំ២០១៦។

ចន្ទ្រា វាយចុងក្រោយ បានយកឈ្នះពិន្ទុកីឡាករ សេក គឹមរួន នៅសង្វៀនស្តាតចាស់កម្មវិធីកីឡាប្រដាល់ស៊ីហ្គេមថ្នាក់ជាតិលើកទីមួយ។គេបានក្លាយជាម្ចាស់ជើងឯកមេដាយមាសថ្នាក់ជាតិវាយឈ្នះជើងខ្លាំងៗនៅកម្ពុជា។ សព្វថ្ងៃគេពិបាករកគូប្រកួតជាមួយទាំងក្នុងស្រុកនិងក្រៅស្រុ កជាពិសេសកីឡាករថៃ។

ចន្ទ្រា ជាអ្នកប្រដាល់វាយចាញ់តិចបំផុត ហើយភាគច្រើនផ្តួលគូប្រកួតឱ្យសន្លប់ មិនអាចតដៃកើត។ចន្ទ្រា វាយចេញឆ្វេងមួយចំហៀងខ្លួន កណ្តាប់ដៃទាត់ជង្គង់កែងដ៏ធ្ងន់ដែលជាផ្លែសម្លាប់គូប្រកួតឱ្យសន្លប់ច្រើននាក់។ អ្នកប្រដាល់វាយមិនចេះទ័លស្នៀតរូបនេះ ចាប់បុកសន្ធាប់ខ្លាំងពីដើមទឹកទីពីរទៅ។ គេវាយមានជំហររឹងចិត្តស៊ូទ្រាំកម្រថយក្រោយណាស់។

វាយបួនប្រកួតកន្លងមក ឡៅ ចន្ទ្រា មិនដែលចាញ់សោះហើយវាយគូប្រកួតឱ្យសន្លប់ ទាំងបួននាក់។គេមាន១២ពិន្ទុនៅក្នុងដៃឈរលេខមួយលើតារាងពិន្ទុសរុប។

ថៃ ហ្វាសុទ្ធសៃ វាយចុងក្រោយសន្លប់ក្នុងទឹកទីពីរនឹងកែងរបស់កីឡាករផល សោភ័ណ្ឌ នៅសង្វៀនបាយ័នបឹងស្នោ។ ហ្វាសុទ្ធសៃ វាយបួនប្រកួតកន្លងមកឈ្នះបីប្រកួត និងចាញ់មួយប្រកួតចុងក្រោយមាន១០ពិន្ទុ។

សុទ្ធសៃ វាយឆ្វេងមួយចំហៀងខ្លួនដែរមានទាត់កណ្តាប់ដៃជង្គង់និងកែងទាំងព្រម។ គេមានជំហររឹងប្រុងប្រយ័ត្នខ្ពស់មានចិត្តត្រជាក់ៗ។ រន្ទះជើងនិងកណ្តាប់ដៃឆ្វេងរបស់គេធ្ងន់គ្រាន់បើដែរ។ ចាប់តាំងពីឈានជើងជាន់ស្រុកខ្មែរមកគេវាយកម្រចាញ់ណាស់។

គូខ្សែក្រវាត់ទីពីរកីឡាករ ឈឿន ឆៃដែន មកពីក្លិបនិរោធមានជ័យត្រូវជួបនឹងអ្នកលេងជង្គង់ឆ្លងដែនកីឡាករថៃ ឌើនឈុនឡែក (Dernchhunlek Rungrean Kilaisanulork) ក្នុងប្រភេទទម្ងន់៦៣,៥គីឡូក្រាម។

ឆៃដែនវាយបួនប្រកួតកន្លងមកឈ្នះពិន្ទុកីឡាករ សុខ សុវណ្ណម្តងគត់និងចាញ់សន្លប់បីដងជាប់ៗគ្នា។ គេមានប្រាំមួយពិន្ទុស្មើនឹងកីឡាករថៃ ឌើនឈុនឡែក ដែរ។ ដែន វាយចេញទាំងព្រមមានទាត់ជង្គង់កែង និងកណ្តាប់ដៃ។ គេអាចប្រើជង្គង់និងទាត់បានល្អគ្រាន់បើ ប៉ុន្តែគេខូចជើងក្រោមដោយប៉ះជើងខ្លាំងៗទាត់ក្រោមច្រើន។គេពិបាកសង្ឃឹមយកឈ្នះថៃណាស់ព្រោះកន្លងមកវាយមិនដែលចប់ទឹកទីប្រាំឡើយ។







សូមជួយចែករំលែក


Booking.com

ព័ត៌មានចុងក្រោយ


http://bayongtimes.com/myboard/photo/19-10-2018-2-1.jpg

នគរបាល ស្រុកអណ្តូងមាស ឃាត់ខ្លួន ជនសង្ស័យម្នាក់ ពាក់ព័ន្ធនិង ករណីរំលោភ ក្មេងស្រី ខ្វិនដៃខ្វិនជើង អាយុ១២ឆ្នាំ !!

10 hours ago 731
http://bayongtimes.com/myboard/photo/19-10-2018-1-1.jpg

ទៅពួនជក់ក្នុងចំការដំឡូងហើយនៅតែតាមស៊ើបចាប់បានទៀត

17 hours ago 918
http://bayongtimes.com/myboard/photo/16-10-2018-2-1.jpg

ពិធីគោរព្ធព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្ដម សីហនុ ព្រះមហាវិវិរក្សត្រព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ នៅខេត្តរតនគិរី

3 days ago 386
http://bayongtimes.com/myboard/photo/16-10-2018-1.jpg

សិស្សវិទ្យាល័យមួយដែលប្រឡងទុត្តិយភូមិជាប់មួយរយភាគរយត្រូវលោកមេបញ្ជាការកងរាជអាវុធហត្ថខេត្តចុះជួបសំណេះសំណាលនិងលើកទឹកចិត្ត

3 days ago 364
http://bayongtimes.com/myboard/photo/photo_2018-10-13_13-05-27.jpg

ប៉ូលិសក្រុងព្រះសីហនុបង្ហាញមុខជនសង្ស័យប្រើប្រាស់អាវុធខុសច្បាប់និងថ្នាំញៀន

6 days ago 647
http://bayongtimes.com/myboard/photo/5873998985.jpg

នាំយកអំណោយប្រចាំខែរបស់ក្រសួងធនធានទឹកប្រគល់ជូនវីរកងទ័ពការពារព្រំដែនខេត្តព្រះវិហារ

2 weeks ago 396
Booking.com
Booking.com
Footer Menu