Main Menu
Booking.com

មន្ត្រីសហព័ន្ធៈ ឡៅ ចន្ទ្រា មិនត្រូវបានដកសិទ្ធទៅប្រកួតនៅបារាំងទេ!

ភ្នំពេញៈ ម្ចាស់ជើងឯក ខ្សែក្រវាត់ស្រាបៀរលីអូពីរស្ថាប័នផ្សេងគ្នា មានរហ្សសនាមថ្មីជាស្តេ ចប្រដាល់វ័យក្មេង គ្មានគូប្រៀប ឡៅ ចន្ទ្រា មកពីក្លិបកងពលតូចទ័ពពិសេស ឆ័ត្រយោងលេខ៩,១១ ដែលមានពាក្យចចាមអារាមថា ផ្អាកមិនឱ្យទៅប្រកួត នៅប្រទេសបារាំង ក្នុងខែមីនា ឆ្នាំ២០១៧ខាងមុខនោះ មន្ត្រីសហព័ន្ធកីឡាប្រដាល់កម្ពុជាធ្វើការបដិសេធថា ចន្ទ្រា មិនត្រូវបានដ កសិទ្ធទៅប្រកួតនៅប្រទេសបារាំងទេកាលពីព្រឹកថ្ងៃទី១២ខែវិច្ឆិកាឆ្នាំ២០១៦។

កន្លងទៅថ្មីៗនេះអ្នកប្រដាល់ ឡៅ ចន្ទ្រា ដែលជាម្ចាស់មេដាយមាសកីឡាស៊ីហ្គេមថ្នាក់ជាតិលើកទីមួយបានកាន់មេដាយមាសរបស់ខ្លួន ហើយនិយាយបង្អាប់គ្នាលេងសើច ជាមួយមិត្តរួមក្លិបក្រៅផ្លូវការ។ ក៍ប៉ុន្តែត្រូវបានសិស្សច្បង មិត្តរួមក្លិបអ្នកប្រដាល់ ព្រំ សំណាង លួចថតវីដេអូគ្លីបទាំងការហាមឃាត់ពីសាម៉ីខ្លួន (ចន្ទ្រា) ថា សូមកុំយកវីដេអូនេះ ទៅផុសក្នុងហ្វេសប៊ុកអ្វី លុបវាចោលទៅ។ ការហាមឃាត់ដ៏បរាជ័យនោះគឺត្រូវបាន សំណាង ចចេសយកទៅលួចផុសនៅក្នុងអាខោនហ្វេសប៊ុករបស់ខ្លួនបណ្តាលឱ្យកើតជារឿងបែកវល់តែម្តង។

បន្ទាប់ពី ព្រំ សំណាង បានលុបចោលវីដេអូនេះរួចហើយក្តី នៅថ្ងៃទី៨ខែវិច្ឆិកា វេលាម៉ោងបួនល្ងាចសហព័ន្ធកីឡាប្រដាល់កម្ពុជាក៍បានអញ្ជើញលោក ហង្ស ស៊ឺន ជាគ្រូបង្វឹករួមទាំងកីឡាករ ឡៅ ចន្ទ្រា មកសួរនាំ។ ខណៈនោះ ចន្ទ្រា ក៍បានសុំទោសជាសាធារណៈ តាមរយៈវីដេអូគ្លីបមួយទៅថ្នាក់ដឹកនាំនានានិងមហាជនទូទៅអំពីកំហុសឆ្គងការលេងសើចជ្រុលជ្រោះរបស់ខ្លួន។

នៅក្នុងឱកាសនោះលោក តែម ម៉ឺន ប្រធានសហព័ន្ធ កីឡាប្រដាល់កម្ពុជា ក៍បានធ្វើការ អប់រំណែនាំ និងកោតសរសើរថា ចន្ទ្រា កន្លងមកមិនដែលមាន បញ្ហាអ្វីឡើយ។ ដូច្នេះលោកសុំឱ្យ ចន្ទ្រា ខិតខំប្រឹងប្រែងគោរពវិន័យ និងខំហ្វឹកហាត់ឱ្យបានល្អប្រសើរ ដើម្បីត្រៀមខ្លួន ទៅប្រកួតនៅប្រទេសបារាំងនាពេលខាងមុខយកកិត្តិយសមកជូនជាតិមាតុភូមិកម្ពុជា។

លោក តែម ម៉ឺន ប្រធានសហព័ន្ធកីឡាប្រដាល់កម្ពុជា បានធ្វើការស្រាយបំភ្លឺ នៅព្រឹកថ្ងៃទី១២ខែវិច្ឆិកាថាវាជារឿងហួសហេតុខុសពីការពិត។លោកបន្តទៀថាសហព័ន្ធមិនបានដកសិទ្ធកីឡាករ ឡៅ ចន្ទ្រា ទៅប្រកួតនៅប្រទេសបារាំងដូចការចោទប្រកាន់នោះទេ។

ចំណែកលោក និន ភីរម្យ អគ្គលេខាធិការរង សហព័ន្ធកីឡាប្រដាល់កម្ពុជា ដែលកំពុងតែរៀបចំបែបបទរត់ការឯកសារឱ្យ ឡៅ ចន្ទ្រា ទៅប្រកួតនៅប្រទេសបារាំងបានលើកឡើងថាយើងបានហៅគ្រូបង្វឹកនិងកីឡាករ ចន្ទ្រា មកប្រាប់ឱ្យត្រៀមខ្លួន ខិតខំហ្វឹកហាត់ ដើម្បីទៅប្រកួតនៅប្រទេសបារាំងឱ្យបានល្អប្រសើរ។

លោកបន្តទៀតថាយើងបាននិយាយណែនាំគេតែអំពើល្អ។ យើងត្រៀមតែបញ្ជូនគេទៅប្រកួតនៅប្រទេសបារាំងគ្មានការកែប្រែឡើយនៅក្នុងខែមីនាឆ្នាំ២០១៧ខាងមុខ។ ពីព្រោះបែបបទខ្ញុំកំពង់តែរៀបចំឱ្យគេ (ចន្ទ្រា) ទៅបារាំង។ ដូច្នេះគេចាំតែថ្ងៃទៅប្រកួតតែប៉ុណ្ណោះ។

គ្រូបង្វឹកអ្នកប្រដាល់ ឡៅ ចន្ទ្រា លោក ហង្ស ស៊ឺន បានបង្ហាញការពិតមួយថា លោក តែម ម៉ឺន មិនបាននិយាយអ្វីឱ្យប៉ះពាល់អីចឹងៗទេ។ លោកគ្រូបានធ្វើការបដិសេធថាអត់មានការដកសិទ្ធ ឡៅ ចន្ទ្រា មិនឱ្យទៅប្រកួត នៅប្រទេសបារាំង ដូចការចោទប្រកាន់នោះទេ។ លោកប្រធានសហព័ន្ធជាមនុស្សល្អមានតែលើកទឹកចិត្តសិស្សរបស់ខ្ញុំថែមទៀត! គ្មានការស្តីបន្ទោសអ្វីឡើយ។

តួអង្គសំខាន់នៃរឿងខាងលើអ្នកប្រដាល់វ័យក្មេងគ្មានគូប្រៀបបាននិយាយនៅព្រឹកថ្ងៃទី១២ខែវិច្ឆិកាថា អ៊ុំ តែម ម៉ឺន ប្រធានសហព័ន្ធកីឡាប្រដាល់កម្ពុជាអត់បាននិយាយអ្វីទេ។ គាត់មានតែឱ្យខ្ញុំខំប្រឹងប្រែងហ្វឹកហាត់ថែមទៀត។គាត់អប់រំខ្ញុំតែពាក្យល្អៗ។ ចន្ទ្រា បានចាត់ទុកករណីខាងលើថា«ដំណឹងនេះវាជាផ្ទុយពីការពិត ! ខ្ញុំមិនយល់ទាល់តែសោះ...»៕







សូមជួយចែករំលែក


Booking.com

ព័ត៌មានចុងក្រោយ


http://bayongtimes.com/myboard/photo/19-10-2018-2-1.jpg

នគរបាល ស្រុកអណ្តូងមាស ឃាត់ខ្លួន ជនសង្ស័យម្នាក់ ពាក់ព័ន្ធនិង ករណីរំលោភ ក្មេងស្រី ខ្វិនដៃខ្វិនជើង អាយុ១២ឆ្នាំ !!

10 hours ago 731
http://bayongtimes.com/myboard/photo/19-10-2018-1-1.jpg

ទៅពួនជក់ក្នុងចំការដំឡូងហើយនៅតែតាមស៊ើបចាប់បានទៀត

17 hours ago 918
http://bayongtimes.com/myboard/photo/16-10-2018-2-1.jpg

ពិធីគោរព្ធព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្ដម សីហនុ ព្រះមហាវិវិរក្សត្រព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ នៅខេត្តរតនគិរី

3 days ago 386
http://bayongtimes.com/myboard/photo/16-10-2018-1.jpg

សិស្សវិទ្យាល័យមួយដែលប្រឡងទុត្តិយភូមិជាប់មួយរយភាគរយត្រូវលោកមេបញ្ជាការកងរាជអាវុធហត្ថខេត្តចុះជួបសំណេះសំណាលនិងលើកទឹកចិត្ត

3 days ago 364
http://bayongtimes.com/myboard/photo/photo_2018-10-13_13-05-27.jpg

ប៉ូលិសក្រុងព្រះសីហនុបង្ហាញមុខជនសង្ស័យប្រើប្រាស់អាវុធខុសច្បាប់និងថ្នាំញៀន

6 days ago 647
http://bayongtimes.com/myboard/photo/5873998985.jpg

នាំយកអំណោយប្រចាំខែរបស់ក្រសួងធនធានទឹកប្រគល់ជូនវីរកងទ័ពការពារព្រំដែនខេត្តព្រះវិហារ

2 weeks ago 396
Booking.com
Booking.com
Footer Menu