Main Menu
loading...

តើរោគសញ្ញានៃសិបធីសិមមៀ (Septicemia) មានដូចម្ដេចខ្លះ ?

សិបធីសិមមៀ (Septicemia) ជាជម្ងឺម្យ៉ាងកើតឡើងដោយការឆ្លងមេរោគចូលក្នុងឈាម ដែលបណ្ដាលមកពីការមុតចេញឈាម ការរបួស ដាច់រលាត់ចេញឈាម ការវះកាត់ ឬដោយប្រការណាមួយនៅដងខ្លួនមនុស្សយើង ។ វាត្រូវបានគេស្គាល់ថាជាបាក់តេរីម្យ៉ាង ឬ ជាមេរោគពុលក្នុងឈាមដ៏សាហាវ ។

ធម្មតារោគសញ្ញានៃសិបធីសិមមៀ (Septicemia) វាចាប់ផ្ដើមរហ័សណាស់ ។ ទោះនៅក្នុងដំណាក់កាលជម្ងឺដំបូងក៏ដោយ ក៏វាមើលទៅអ្នកជម្ងឺមានសភាពធ្ងន់ធ្ងរណាស់ ។ រោគសញ្ជាធម្មតាមាន៖

- ក្ដៅរងារ(ក្ដៅត្រជាក់)
- ខ្លួនប្រាណឡើងកំដៅខ្ពស់ មានគ្រុន
- មានដង្ហើមញាប់
- ចង្វាក់បេះដូងលោតលឿន
បើមិនមានការព្យាបាលត្រឹមត្រូវ រោគសញ្ញាធ្ងន់ខ្លាំងនឹងចាប់ផ្ដើមផុសចេញ​វិវឌ្ឍទៅជាជម្ងឺ សិបធីសិមមៀ (Septicemia) ។

វាអាចមានរោគសញ្ញាធ្ងន់ខ្លាំងដូចខាងក្រោម៖

- ច្របូកច្របល់ គិតអ្វីមិនច្បាស់ ឬបាត់បង់សមត្ថភាព
- ធ្វើឱ្យចង់ក្អួត និង ក្អួតតែម្ដង
- មានចំណុចក្រហមតូចៗ ដែលលេចចេញលើស្បែក
- បរិមាណទឹកនោមថយចុះ
- ឈាមមិនគ្រប់គ្រាន់ ចរន្តឈាមរត់ស្ទះ

គួររំលឹកថា បើអ្នកឬនរណាម្នាក់បង្ហាញឱ្យឃើញសញ្ញានៃជម្ងឺ សិបធីសិមមៀ (Septicemia) នេះ។ ចាំបាច់ត្រូវតែទៅមន្ទីរពេទ្យភ្លាម សូមកុំរង់ចាំមើល ឬព្យាយាមព្យាបាលនៅផ្ទះឱ្យសោះ ៕



សូមជួយចែករំលែក


loading...
Footer Menu