Main Menu
loading...

ទូកបុរាណមួយនៅតំបន់អង្គរស្ថិតក្នុងរាជ្ជកាលព្រះបាទជ័យវម៌្មទី៧

ភ្នំពេញៈ អ្នកជំនាញឯកទេស ខាងប្រវត្តិសាស្ត្រកម្ពុជាបានលើកឡើងថា ទូកបុរាណមួយគ្រឿង ដែលអ្នកភូមិប្រទះឃើញក្នុងស្រះមួយកន្លែង នៅភូមិបំពេញរាជ្យ ឃុំលាងដៃ ស្រុកអង្គរធំ ខេត្ត សៀមរាបកាលពីដើមខែមេសាកន្លងទៅគឺធ្វើឡើងនៅឆ្នាំ១២០៧អំឡុងសតវត្សទី១៣រាជ្ជកាល ព្រះបាទជ័យវម៌្មទី៧។ ការបញ្ជាក់នេះគឺចេញដោយមន្ទីរពិសោធន៍នៃប្រទេសញូហ្សេឡែន។

ទីតាំងដែលគេប្រទះឃើញទូកបុរាណមួយនេះ គឺជាអតីតស្ទឹងពួកចាស់ ជាប់នឹងស្ទឹងសៀមរាប ហូរទៅកាន់ស្រុកពួកខែត្រសៀមរាប។ទូកបុរាណនេះដែលបានកប់ក្នុងដីជម្រៅប្រមាណប្រាំពីរម៉ែត្រ។ វាជាប្រភេទ«ទូកឃ្លោង»ធ្វើអំពីឈើគគីរមួយដើមធំទាំងមូល ដែលមានប្រវែង១២,៨៣ ម៉ែត្រ។

មួយថ្ងៃក្រោយពេលរកឃើញ អាជ្ញាធរជាតិអប្សរាបានយកទូកបុរាណនោះ ទៅរក្សាទុកនៅកសិណទឹកមុខប្រាសាទអង្គរវត្តនិងបានយកបំណែកនៃសាច់ទូកទៅធ្វើការពិសោធន៍រកការពិត។

ក្នុងន័យដើម្បីឲ្យសាធារណជន ក៍ដូចជាភ្ញៀវទេសចរបានឃើញទូកបុរាណនេះ ត្រូវអាជ្ញាធរជាតិអប្សរាគ្រោងនឹងរៀបចំដាក់តាំងបង្ហាញនៅសារមន្ទីរដែលមានស្រាប់នៅក្នុងខេត្តសៀមរាប ឬតាំងចល័តពីទីតាំងមួយទៅទីតាំងមួយទៀតនៅក្នុងខែត្រទេសប្រវត្តិសាស្រ្រមួយនេះ៕







សូមជួយចែករំលែក


loading...
Footer Menu