គណៈកម្មការចំពោះកិច្ច ដែលបង្កើតឡើងដោយបញ្ជាការដ្ឋានកងរាជអាវុធហត្ថលើផ្ទៃប្រទេស បានចុះទៅខែត្របន្ទាយមានជ័យហើយ

ភ្នំពេញ៖ គណៈកម្មការចំពោះកិច្ច បានឆ្ពោះទៅខែត្របន្ទាយមានជ័យ កាលពីថ្ងៃទី១៥ មករា ២០២០ បន្ទាប់ពីមានកិច្ចប្រជុំសម្រេច ដ៏សំខាន់មួយនៅទីបញ្ជាការដ្ឋានកងរាជអាវុធហត្ថលើផ្ទៃប្រទេស ដើម្បីឱ្យគណៈកម្មការចំពោះកិច្ចនេះ ចុះស្រាវជ្រាវរកជនដៃដល់ប្រើទារុណកម្មលើពលរដ្ឋម្នាក់រហូតដល់ស្លាប់កាលពីពេលកន្លងទៅថ្មីៗនេះ ។

 

គួររំឭកថា ពលរដ្ឋដែលទទួលរងទារុណកម្មរហូតដល់ស្លាប់នោះ​ គឺឈ្មោះ ទុយ ស្រស់ អាយុ៣៤ឆ្នាំ រស់នៅ ក្នុងភូមិជ្រៃ ឃុំសឹង្ហ ស្រុកអូរជ្រៅ ខែត្របន្ទាយមានជ័យ ត្រូវបានគេចាប់ខ្លួននៅក្នុងសកម្មភាពតវ៉ារឿងទំនាស់ដីធ្លី នៅមុខសាលាខែត្របន្ទាយមានជ័យ កាលពីថ្ងៃទី៣១ ខែធ្នូ ឆ្នាំ២០១៩​ កន្លងទៅ​ ។ ហើយក្រុមគ្រួសារនៃសពបានអះអាងថា ការស្លាប់របស់ ទុយ​ ស្រស់​ ដោយសារការបែកថ្លើម ៕ តិល សាមុត