លិខិតបង្គាប់ការមួយសន្លឹក នៃអគ្គស្នងការរង និងជាស្នងការដ្ឋាននគរបាល រាជធានីភ្នំពេញ ចុះថ្ងៃទី១៨ ខែកុម្ភៈ ឆ្នាំ២០២៥ ដែលគេបានចែកចាយតៗគ្នានៅលើគ្រប់បណ្ដាញសង្គម។ លិខិតលេខ ០១០ លបក នោះបង្គាប់ការនៃប្រការ១ថា « ត្រូវបានបង្គាប់ឱ្យមន្ត្រីនគរបាលចំនួន២នាក់ មកបង្ហាញខ្លួននៅការិយាល័យបុគ្គលិកចំណុះផែនការងារធនធានមនុស្សរៀងរាល់ម៉ោងធ្វើការរហូតមានបទបញ្ជាជាថ្មីមានឈ្មោះដូចខាងក្រោមៈ
១.វរសេនីយ៍ទោ ហឿង វឿន អត្តលេខ១២៨១១ ឋានៈអធិការរង ចំណុះ អធិការដ្ឋាននគរបាល ខណ្ឌសែនសុខ។
២.អនុសេនីយ៍ទោ មាស ភារម្យ អត្តលេខ ៨៦៤៦៨ ឋានៈមន្ត្រីកងអន្តរាគមន៍ពិសេសចំណុះការិយាល័យអន្ដ រាគមន៍ និងតម្រួតបទបញ្ជា។ ពួកគេទាំងពីរនាក់បាន « ល្មើសបទវិន័យនគរបាលជាតិកម្ពុជា »»។
រឿងវាស់ជាតិអាល់កុលនេះ មានវីដេអូមួយបង្ហាញថា ប៉ូលិសមួយក្រុមបាននាំគ្នាចោមរោមព័ទ្ធរុញច្រានលោកបណ្ឌិត សុខ ទូច ប្រៀបបីដូចហ្វូងឆ្កែចចកដេញចាប់កូនឈ្លូសដ៏តូចមួយនៅក្នុងព្រៃប្រឹក្សាអីចឹង។ កាយវិកាអសីលធម៌គ្មានវិជ្ជាជីវៈ នៃបុគ្គលមួយចំនួននោះ វាបានធ្វើឱ្យ មហាជនមាន ការអាណិតអាសូរ ទៅដល់លោកបណ្ឌិត សុខ ទូច ដែលមានងារស័ក្ដិយសស្មើ « រដ្ឋមន្ត្រី » ត្រូវគេនាំធ្វើបាបដែលគាត់បានវិលត្រឡប់មកពីបេសកកម្មធ្វើការស្រាវជ្រាវប្រវត្តិសាស្ត្រកម្ពុជានៅ ភ្នំគូលែន ខែត្រសៀមរាប។ លោកបណ្ឌិតមានគុណបំណាច់ចំពោះជាតិខ្មែរដ៏ធំធេងជាច្រើនរាប់ពុំអស់នាពេលកន្លងមក។
ម្ចាស់ករណីលោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា មានប្រសាសន៍ថា លោកបានចូលរួម សហការហើយតែហាមពួកគេថតបង្ហោះខ្លាចគ្មានសីលធម៌។ អ្វីដែលពួកគេធ្វើឱ្យលោកបណ្ឌិតខឹងច្រឡោតដោយ សារមានអ្នកហៅលោក អា អ្ហែង និងដៀលលោកបណ្ឌិតថា បណ្ឌិត សុខ ទូច មកធ្វើអីចឹង ? លោកបណ្ឌិតបន្តទៀតថា លោកបានដើរចេញអត់មានរកខុសត្រូវអ្វីទេ។ ខណៈលោកមកពីធ្វើការរឿងស្រាវជ្រាវ ព្រះបាទជ័យវម៌្មទី២ ហត់នឿយលោកក៏បានទទួលស្គាល់ថា ពិតជាបានហូបប៊ីយ៉ែមួយកំប៉ុងមែន។ លោកទើបបានវិលត្រឡប់ពីធ្វើការស្រាវជ្រាវប្រវត្តិសាស្ត្រខ្មែរនៅ ភ្នំគូលែន ខែត្រសៀមរាប។
គួរបញ្ជាក់ថា កាលពីយប់ថ្ងៃទី១៧ ខែកុម្ភៈ ឆ្នាំ២០២៥ នៅតាមបណ្ដោយផ្លូវហាណូយ ខណ្ឌសែនសុខ ប៉ូលិសខណ្ឌ និងស្នងការក្រុងភ្នំពេញ បានចុះអនុវត្តច្បាប់ចរាចរផ្លូវគោក រកជាតិអាល់កុល ក៏កើតជម្លោះគ្នារុញច្រាន លោកបណ្ឌិតសភាចារ្យ សុខទូច ចង់ផ្កាប់មុខ ហើយអ្នកខ្លះបានហៅលោកថា អា អ្ហែង និងបានតិះដៀលថែមទៀតនោះធ្វើឱ្យលោកបណ្ឌិតច្រឡោតខឹង៕
