ការសាងសង់សំណង់ពីរកន្លែងនោះបានបំពានទៅនឹង សេចក្តីណែនាំ លេខ០១ សរណន គឺសារាចរណែនាំស្តីពីការ
អភិវឌ្ឍន៍តំបន់ឆ្នេរសមុទ្រ នៃព្រះរាជាណាចក្រកម្ពុជា ចុះថ្ងៃទី៣ ខែកុម្ភៈ ឆ្នាំ២០១២ ក្នុងសេចក្តីណែនាំនោះ ក៏ បានកំណត់ច្បាស់លាស់នៅដីចំណីឆ្នេរសមុទ្រ ហើយបើមានសាងសង់រាល់សំណង់រឹងទាំងនោះ ត្រូវបម្រើឲ្យផលប្រ យោជន៍សាធារណៈ។ ចុះការសាងសំណង់រឹងនៅចំណុចខាងលើវាបានបម្រើឲ្យបុគ្គល ឬ ផលប្រយោជន៍សាធារណៈ ?
ការសាងសង់សំណង់រឹងមាំរំលោភលើដីឆ្នេរនោះមាន ទទឹងប្រមាណជា១០ម៉ែត្រ និងបណ្តោយចូលសមុទ្រប្រហែល
៣០ម៉ែត្រ ដូចគ្នាៗដោយមានរៀបរបងជាមួយនិងលូជើងក្រោម ហើយម្ចាស់គេកំពុងសាងសង់ផ្ទះខាងក្នុងដោយប្រើមធ្យោបាយលាក់បាំងគឺបាំងរបងថ្មបិទជិត និងស័ង្កសីខាងក្រៅដើម្បីបិទបាំងការពិត នៃការសាងសង់បំពានច្បាប់របស់ពួកគេនៅខាងក្នុង។
ការចាក់ដី ឬសង់សំណង់រឹងរំលោភឆ្នេរនោះមហាជនមើលឃើញថា មិនមានពលរដ្ឋក្រីក្រឯណាអាចធ្វើបាននោះទេ។ទាល់តែអ្នកមានលុយ និងមានអំណាចទើបធ្វើបាន។ គួរឲ្យអនិច្ចា ខែត្រកែប តូចតែមិនតាន់សោះឲ្យតែមានចន្លោះគឺដឹងតែអ្នកធំ និងអ្នកមានលុយលេបទឹកមាត់ចង់ត្របាក់យកតែម្តង។អ្នកដែលរំលោភ បំពាននោះ ភាគច្រើនជាអ្នកមានលុយមានអំណាច និងជាអ្នករៀនបានចេះដឹងជ្រៅជ្រះពីច្បាប់ក្រម នៃប្រទេសកម្ពុជា ថែមទៀត ផងសម និងខ្មែរមានពាក្យមួយបានពោលថា « រៀនបំបង់បាយ រៀនបំបង់សន្លឹកសៀវភៅ »។
អ្នកនាំពាក្យសាលា ខែត្រកែប លោក ប៊ុន យោង សារព័ត៌មានយើងមិនអាចទំនាក់ទំនងបានទេដោយ តេលេក្រាម មានតែអ្នកចូលមើល តែគ្មានអ្នកឆ្លើយតបឡើយ កាលពីថ្ងៃទី២៣ ខែធ្នូ ឆ្នាំ២០២៤។
ប្រធានមន្ទីរសុរិយោដី ខែត្រកែប លោក ពុទ្ធិ ម៉ានីន បានរុញសំណួរអ្នកសារព័ត៌មានឲ្យទៅសួរ អភិបាលក្រុងទៅគាត់លម្អិតជូនហើយ។ រីឯអភិបាល ក្រុងកែប លោក ឃន វុទ្ធី វិញបុរសហៅតាមទូរស័ព្ទមិនលើក តេលេក្រាម ចូលមើលមិនខ្ចីតប។
ចៅសង្កាត់រងទី១កែប បានប្រាប់អង្គភាពយើងកាលពីថ្ងៃទី២៣ ខែធ្នូ ឆ្នាំ២០២៤ ថា រឿងនោះលោកមិនដឹងទេ។ តែបើប្រវត្តិទីតាំងនោះធ្លាប់មានគេជួលឲ្យ សាលាមតេយ្យសហគមន៍ ភូមិកែប២ ទៅ៣ខែដែរ។ លោកបន្តទៀតថា បើចង់ដឹងច្បាស់សួរលោកមេឃុំទៅ…។
ប្រធានសហគមន៍ ភូមិកែប លោក រិន ធារ៉ា សារព័ត៌មានយើង ក៏មិនអាចសួរព័ត៌មានបានដែរ ដោយទូរស័ព្ទ ហៅចូលតែគ្មានអ្នកលើកទទួល។
គួរបញ្ជាក់ដែរថា រឿងរ៉ាវលុបសមុទ្រជារឿងកំប្លែង និងរឿងកម្សាន្តទៅហើយសម្រាប់ពលរដ្ឋ ខែត្រកែប និងមហាជនដែលធ្លាប់បានតាមដានព័ត៌មាននៅ ខែត្រកែប នេះ។ តើអាថ៌កំបាំង នៃរនាំងខ្មៅពីការបំពានលើ សាលាមតេយ្យសហគមន៍ នោះទៅជាយ៉ាងណា ? សូមសាធារណជនពិចារណាតាមការគួរ៕
