លោកវរសេនីយ៍ឯក លី ដារិទ្ធ បានប្រាប់ឱ្យដឹងថា ក្រុមឈ្មួញបានដឹកជញ្ជូនឈើប្រណីតទាំងនេះចេញពីតំបន់ផ្សេងៗយកទៅលាក់ទុកក្នុងចម្ការស្វាយនៅខាងផ្ទះប្រជាពលរដ្ឋ។ ឈើប្រណីតចម្រុះមានដូចជា សុក្រំ តាសេក កកោះ គ្រញូងស្វា ផ្ចឹក និងឈើនាងម៉ៅ រីឯម្ចាស់ឈើគេចខ្លួនបាត់។
កម្លាំងចម្រុះបានប្រមូលឈើសរុបចំនួន៣៧២ដុំ និងជួលគោយន្តកន្ត្រៃដឹកយកទៅរក្សាទុកនៅទីស្នាក់ការ សង្កាត់រដ្ឋបាលព្រៃឈើ ស្រុកត្រពាំងប្រាសាទ។ រដ្ឋបាលព្រៃឈើធ្វើការវាស់វែងឈើសរុបចំនួន១៧,៥២ម៉ែត្រគូប៕
