អគ្គិភ័យនេះ ត្រូវសមត្ថកិច្ចគ្រប់គ្រងស្ថានការណ៍បានដោយសារវាមាន ទីតាំងនៅជាប់ផ្លូវធំ៥០ម៉ែត្រធ្វើឱ្យសមត្ថ កិច្ចមានភាពងាយស្រួលក្នុងការចូលទៅជួយពន្លត់ភ្លើង។ ប៉ុន្តែដោយសារឥទ្ធិពលនៃអំណាចភ្លើងឆេះខ្លាំងពេកធ្វើឱ្យដំបូលអគារក្លិបបាក់សង្កត់លើមនុស្សស្លាប់ និងរបួសធ្ងន់សរុបចំនួន១០នាក់។
គេពុំទាន់ដឹងអំពីទំហំនៃការខូចខាតអស់ទ្រព្យសម្បត្តិចំនួនប៉ុន្មាននោះទេ។ រីឯអាជ្ញាធរដែនដី និងសមត្ថកិច្ចកំពុងតែដុតដៃដុតជើងជួយសង្គ្រោះជីវិតមនុស្សដែលបានរងរបួសទៅមន្ទីរពេទ្យ និងពន្លត់ភ្លើងបានដោយជោគជ័យ។
នៅក្នុងរឿងដដែលនេះ អាជ្ញាធរក៏បានសំណូមពរដល់បងប្អូនប្រជាពលរដ្ឋ ត្រូវមានការប្រុងប្រយ័ត្នខ្ពស់អំពីគ្រោះអគ្គិភ័យកុំឱ្យកើតមានឡើងព្រោះវាបានបំផ្លាញទ្រព្យសម្បត្តិ និងអាយុជីវិតរបស់យើង។ ចំពោះអ្នកស្លាប់ និងរងរបួសគឺសុទ្ធតែជាមនុស្សប្រុសទាំងអស់។ គេពុំទាន់ឃើញមាននរណាម្នាក់ចេញមុខមកទទួលខុសត្រូវនៅក្នុងរឿងនេះនៅឡើយទេ។
លោក ឃួង ស្រេង អភិបាល រាជធានីភ្នំពេញ បានចុះទៅត្រួតពិនិត្យដល់កន្លែងកើតហេតុនោះដោយផ្ទាល់តែម្ដងនៅព្រឹកថ្ងៃទី៥ ខែកុម្ភៈ ឆ្នាំ២០២៥។
បន្ទាប់ពីគ្រប់គ្រងស្ថានការណ៍បានហើយលោក សំ វិច្ឆិកា អ្នកនាំពាក្យ នៃស្នងការដ្ឋាននគរបាល រាជធានីភ្នំពេញ បានប្រាប់អង្គភាពយើង នារសៀលថ្ងៃទី៥ ខែកុម្ភៈ ឆ្នាំ២០២៥ នេះថា លទ្ធផលសរុបចុងក្រោយអាជ្ញាធរ និងសមត្ថបានរកឃើញអ្នកស្លាប់ចំនួន៤នាក់ និងអ្នករបួសចំនួន៦នាក់។ ពួកគាត់សុទ្ធតែជាមនុស្សប្រុសទាំងអស់។ រឿងនេះវាអាចបណ្ដាលមកពីជាងជួសជុលបានផ្សាដែកដែលធ្វើឱ្យមានអគ្គិភ័យឆាបឆេះកើតឡើង៕
