លោក ទិត វុទ្ធី អភិបាលរង ខែត្រកំពង់ស្ពឺ និងបក្ខពួកដែលអេស៊ីយូចាប់ខ្លួននោះបានស៊ីដាច់លុយជនជាតិចិនចំនួន៤០ម៉ឺនដុល្លារអាម៉េរិកគឺជិតកន្លះលានដុល្លារពី រឿងរត់ការយកអាជ្ញាបណ្ណរ៉ែ ផលិតថ្មម៉ាប មិនបានសម្រេច។
សាលាដំបូង ខែត្រកំពង់ស្ពឺ សម្រេចចោទប្រកាន់ជាផ្លូវការ ទី១.ឈ្មោះ ទិត វុទ្ធី ភេទប្រុសអាយុ៥៦ឆ្នាំកើតថ្ងៃទី៧ ខែមករា ឆ្នាំ១៩៦៩ (ឃាត់ខ្លួន)។ ទី២.ឈ្មោះ ហ៊ាវ ខន ហៅ តង ភេទប្រុសអាយុ៤៥ឆ្នាំ (ឃាត់ខ្លួន) ពីបទរំលោភអំណាច,ក្លែងបន្លំ,ប្រើប្រាស់លិខិតក្លែង,ក្លែងឯកសារសាធារណៈ និងប្រើប្រាស់ឯកសារសាធារណៈក្លែង ប្រព្រឹត្តនៅក្នុង ខែត្រកំពង់ស្ពឺ,ប៉ៃលិន,បាត់ដំបង,ស្ទឹងត្រែង និង ព្រះវិហារ កាលពីអំឡុង ឆ្នាំ២០២៣ បទល្មើសដែលមានបញ្ញត្តិ និងចែងឱ្យផ្ដន្ទាទោសតាម មាត្រា៦៦៦,៦២៧,៦៦៨,៦២៩,៦៣០ នៃក្រមព្រហ្មទណ្ឌ និងមាត្រា៣៥ នៃច្បាប់ស្តីពីការប្រឆាំងអំពើពុករលួយ។
ចំណែកជនជាប់ចោទទី៣.ឈ្មោះ ម៉ឹង សារឿន ឈ្មោះជាភាសាចិនហៅថា អ៊ុង វិនឆាយ ភេទប្រុសអាយុ៤៤ឆ្នាំ (ឃាត់ខ្លួន) ពីបទសមគំនិតក្នុងអំពើរំលោភអំណាច,ក្លែងបន្លំ,ប្រើប្រាស់លិខិតក្លែង,ក្លែងឯកសារសាធារណៈ និងប្រើប្រាស់ឯកសារសាធារណៈក្លែង ប្រព្រឹត្តនៅក្នុង ខែត្រកំពង់ស្ពឺ ,ប៉ៃលិន,បាត់ដំបង,ស្ទឹងត្រែង និង ព្រះវិហារ កាលពីអំឡុង ឆ្នាំ២០២៣ បទល្មើសដែលមានបញ្ញត្តិ និងចែងឱ្យផ្តន្ទាទោសតាម មាត្រា២៩,៦២៦ ៦២៧, ៦២៨, ៦២៩, ៦៣០, នៃក្រមព្រហ្មទណ្ឌ និង មាត្រា៣៥ នៃច្បាប់ស្តីពីការប្រឆាំងអំពើពុករលួយ។
គួរបញ្ជាក់ថា ក្រោយការចាប់ខ្លួន និងចោទប្រកាន់ជនទាំងបីនាក់ពី តំណាងអយ្យការអមសាលាដំបូង ខែត្រកំពង់ស្ពឺ កាលពីរសៀលថ្ងៃទី៩ ខែមីនា ឆ្នាំ២០២៥ ត្រូវបាន តុលាការ ចេញដីកាឃុំខ្លួនដាក់ពន្ធនាគារជាផ្លូវការ៕
